Предупреждаем!

Перед упортреблением наших препаратов обязательно помолитесь и молитесь о страждущих.

Молитвы читаемые в болезнях и о болящих

Молитвы ко Господу Иисусу Христу

Тропарь

Скорый в заступлении един сын, Христе, скорый свыше покажи посещение страждущему рабу Твоему (имя), и избави от недуг и горьких болезней, и воздвигни ао еже пети Тя и славити непрестанно, молитвами Богородици, едине Человеколюбче.

Кондак

На одре болезни лежащаго и смертною раною уязвленнаго, якоже иногда воздвигл еси, Спасе, Петрову тещу и разслабленнаго, на одре носимаго; сице и ныне, Милосерде, страждущаго (имя) посети и исцели: Ты бо един еси недуги и болезни, рода нашего понесый и вся могий, яко многомилостив.

Молитвы к пресвятой Богородице

Молитва

Пресвятая Богородице, всесильным заступлением Твоим, помоги мне умолить Сына Твоего, Бога моего, об исцелении раба Божия (имя).

Молитва

Царице моя преблагая, надеждо моя Благородице, приятелище сирых и странных предстательнице, скорбящих радосте, обидимых покровительнице! Зриши мою беду, зриши мою скорбь, помози ми яко немощну, окорми мя яко странна. Обиду мою веси, разреши ту, яко волиши; яко не имам иныя помощи, разве Тебе, ни иныя предстательницы, ни благия утешительницы, токмо Тебе, о Богомати, яко да сохраниши мя и покрыеши во веки веков. Аминь.

Кондак

Не имамы иныя помощи, не имамы иныя надежды, разве Тебе, пречистая Дево, Ты нам помози, на Тебе надеемся и Тобою хвалимся, Твой бо есмы раби, да не постыдимся.

Величание

Величаем Тя, Пресвятая Дево, Богоизбранная Отроковице, и чтим образ Твой святый, имже точиши исцеления всем с верою притекаюшим.

Молитвы ко всем Святым Божиим

Святому

 великомученику и целителю

Пантелеимону

О великий угодниче Христов, страстотериче и врачу многомилостивый Пантелемоне! Умилосердися надо мною, грешным рабом, услыши стенание и вопль мой, умилостиви Небеснаго Верховнаго Врача душ и телес наших, Христа Бога нашего, да дарует им исцеление от недуга, мя гнетущаго. Приими недостойное моление грешнейшаго паче всех человек. Посети мя благодатным посещением. Не возгнушайся греховных язв моих, помажи их елеем милости твоея и исцели мя; да здрав сый душею и телом, остаток дней моих, благодатию Божиею, возмогу провести в покаянии и угождении Богу и сподоблюся восприяти благий конец жития моего. Ей, угодниче Божий! Умоли Христа Бога, да предстательством твоим дарует здравие телу моему и спасение души моей. Аминь.

Тропарь

Страстотерпче святый и целебниче Пантелеймоне, моли Милостиваго Бога, да прегрешений оставление подаст душам нашим.

Святому

преподобному Агапиту Печерскому,

врачу безмездному

Тропарь

Богоноснаго Антония рневнуя смиренномудрию. аки некиим врачевством, зелием снедным исцелял еси болящия, преподобне Агапите, тем и врача неверно уверив, наставил еси на путь спасения. Уврачуй и наша болезни и молися Господеви о воспевающих тя.

Святому

преподобному Самнсону

странноприимцу

О теплый молитвенниче, благостный отче, преподобне Самнсоне! Моли Бога о мне грешнем, и низносли от Всеблагаго Владыки помощь ми и избавление. привременна бо есть жизнь моя и исполнена труда, скорбей и болезней.

Укрепи сердце мое, да возмогу понести тяготу мою, и не попусти, да превозмогут искушения многая моя малыя силы, но споспешествуй мне заступлением твоим и посреде обстояний и бед управи путь мой в Царство Небесное, да славлю прославльшагося в тебе Господа во веки. Аминь.

Святой

великомученице Варваре

Тропарь

Агнице всеблаженная Варваро, божественне озарившися светом Святыя Тройцы Трисолнечным и в купели утвердившися в побеждение лести отеческия, веру исповедала еси Христову. Тем, всечестная, свыше благодать тебе дарова Бог, исцеляти недуги и болезни вся. Егоже моли, великомученице, да спасет души наша.

Молитвы о детях

Святому Симеону Богоприимцу

О Богоприимче Симеоне! Услыши нас , грешных раб Божиих (имена), и не отыми покров твой святый от нас, моли благость Господа, яко да отвратит от нас гнев Свой, праведно по делом нашим на ны движимый, и, презрев безчисленная прегрешения наша, обратит нас на путь покаяния и на стези заповедей Своих утвердит нас. Огради молитвами твоими в мире жизнь нашу и во всем благом благое поспешение испроси, вся к животу и благочестию потребная нам даруя, яко да тихое и безмолвное житие поживем во всяком благочестии и чистоте, и тако в вечный достигнем покой, идеже сподобимся Небеснаго Царствия Хрита Бога нашего, Емуже всякая слава подобает, со Отцем и Пресвятым Его Духом, ныне и присно, и во веки веков.

Молитва о детях,

преподобного

Амвросия Оптинского

Господи, Ты един вся веси, все можеши и всем хощеши спастись и в разум Истины приити. Вразуми Детей моих (имена) познанием истины Твоея и воли Твоея святыя, и укрепи их ходити по Запрведям Твоим, и меня, грешнаго, помилуй.