გიორგი რომ გავიცანი, ძალიან ახალგაზრდა ვიყავი. როგორც ვხვდები, ეს თავად განგებამ ინება. ეს ისეთი პერიოდია, როდესაც ბობოქრობს გონება, სული, არ გაკმაყოფილებს მშრალი ახსნა-განმარტება. უფრო მეტი ეჭვი და კითხვა გიჩნდება. სწორედ მაშინ დავიწყე პასუხების მიღება, სამყაროს სხვა თვალით ხედვა. მრავალი წლის მერე მივხვდი, გავიაზრე რასაც ამბობდა, მაჩვენებდა. გიორგის რჩევა და დარიგებები ზუსტად იმ მხარესაა მიმართული, რომელიც გჭირდება. თავიდან ვერც ხვდები, თუმცა დრო თავად განახებს მის სისწორეს, კურნავს სხეულს და სულზე მალამოდ გედება, გაწრთობს ფიზიკურად და სულიერად. მიდიხარ ჩვეულებრივ ადამიანად, ხოლო მისგან ორლესულ მახვილად გამოდიხარ.     

იასონ ბაგრატიონი