დიდი ხანია ვურთიერთობ გიორგი იონთა ჰიპერიონთან, თუმცა ვურთიერთობ არასწორია, ის ჩემი სულიერი ძმა არის. ბუმბერაზი ქართველი კაცი, თავისი უსასრულო ცოდნა-განათლებით, თავისი ქვეყნისა და ხალხის უსაზღვროდ მოსიყვარულე გულით და ნათელი, სპეტაკი სულით.

მასთან ურთიერთობა ძალიან ადვილიცაა და რთულიც; ადვილია იმიტომ, რომ ძალიან გულთბილი, თავმდაბალი კაცია; და რთულია იმიტომ, რომ არ გყოფნის ცოდნა გაიგო მისი საუბრებიდან და სწავლებიდან ბევრი რამ.... თუმცა ღვთის წყალობით, თვითეულ ადამიანს გვაქვს არჩევანი ცოდნის მიღებისა. მე ეს არჩევანი გიორგი იონთა ჰიპერიონის გაცნობისთანავე (20 წლის წინ) გავაკეთე. მისი სწავლებანი ჩემთვის სასიცოცხლოდ მნიშვნელოვანი იყო; ტრამვირებული სული მქონდა და მან თავისი რჩევა-დარიგებებით სხვა მხარეს გამახედა, გონებრივი შრომის აუცილებლობაში დამარწმუნა, რისთვისაც უსაზღვროდ მადლობელი ვარ მისი.

მადლობელი ვარ უფლის, რომ ჩემი ცხოვრების ურთულეს პერიოდში თქვენთან შემახვედრა, ბუმბერაზო კაცო, ჩემო სულიერო ძმავ და მეგობარო გიორგი!

ქვეყნისა და ხალხის სამსახურში ღვაწლმოსილო ქართველო - წარმატებებით და გამარჯვებით გევლოს!

ელზა ასაბაშვილი